« Quand intrèri dans l’atalhier, mon associat èra ja aquí. M’arrapèt tanlèu ambé lei dificultats d’un gròs chantier. Mentre que se debanava la discussion, assajavi de descubrir, dins son regard, lei signes d’un estonament, lei premícias d’una interrogacion ? Ren. »Aqueste monde es clafit d’èstres estranges, non de dragons e d’unicòrns mai d’òmes taus coma vosautrei (ò coma ieu) que seis eimes vaguejan segon de desirs irreversibles e luenchencs.Romieg Jumèu es nascut a Marselha. Après d’estudis a l’Escòla de Bèlas-Arts e un Prèmi de gravadura e d’estetica, a trabalhat dins la publicitat. A ja publicat Sénher Quau , Cronicas imaginàrias , Pantòri e Embolh a Malamosca dins la colleccion « a Tots », e un recuelh de poèmas, E siguèsse una nafra... la lutz .